Қазақстандық жасөспірімдер бокстан 2023 Aзия чемпионатында 9 алтын жеңіп алды

Елорда рингінде өткен Азия чемпионатында бокстан Қазақстан жастар құрамасы 9 алтын жеңіп алды, деп хабарлайды Orda.kz.

23 қазан мен 3 қараша аралығында Астанада Азия чемпионаты өтті. Жастар арасында 25 салмақ дәрежесінде (13 ұл және 12 қыз) медальдар сарапқа салынды.

Жалпы есеп бойынша үздік үштік:

• Қазақстан – 9 алтын, 3 күміс, 8 қола;

• Өзбекстан – 8 алтын, 8 күміс, 4 қола;

• Үндістан – 6 алтын, 8 күміс, 6 қола.

Жарыс жеңімпаздары Халықаралық бокс федерациясының ақшалай сыйлығымен марапатталды (1 орын – 1000 доллар, 2 орын – 500 доллар, 3 орын – 250 доллар).

Жарыс соңында турнирдің үздік боксшылары арнайы номинациялармен марапатталды:

• Үздік жасөспірімдер боксшысы – Аяжан Сыдық (Қазақстан);

• Үздік жасөспірім боксшы – Физуки Юга (Жапония);

• Үздік жас боксшы – Олтина Сотимбоева (Өзбекстан);

• Үздік жас боксшы – Төрехан Сабырхан (Қазақстан);

• Үздік төрешілер: Мариф Урдешев (Өзбекстан), Мария Каваклиева (Болгария).

Бес финалда бес жеңіске жеткен қазақстандық боксшылар турнирде ерекше көзге түсті.