Қазақстандық турист Малайзияда суға кетті

Қазақстандық турист Малайзияда суға кетті, деп хабарлады Orda.kz.

 The Star басылымының хабарлауынша, Кота-Кинабалу өрт сөндіру қызметі құтқару операциясын жүргізіп жатыр. Оған жеті адам кірісті. Әзірге ер адамның тірі немесе қаза болғаны белгісіз.

«Оқиға орнына Туаран өрт сөндіру бөлімшесінен жеті құтқарушы келді. Курорттан 12 шақырым жерде орналасқан стансаға бейсенбі, 5 қыркүйек күні жергілікті уақыт бойынша 08:19-да шұғыл қоңырау түскен» деп хабарлайды The Star. 

Ер адамның жүзе білетіні және оқиғаның нақты қандай жағдайларға байланысты болғаны әзірге нақтыланған жоқ.

Orda.kz редакциясы осы жағдайға байланысты пікір алу үшін ҚР Сыртқы істер министрлігіне сауал жолдады. Қазіргі уақытта министрліктің баспасөз қызметінен жауап түскен жоқ.