Қазақстандық трансгендер әскерге шақырылды

Амилай бүркеншік атымен танымал трансгендер әскерге шақыру қағазын алғанын мәлімдеді, деп хабарлайды Orda.kz.

Трансгендердің айтуынша, оған әскери комиссариаттан қоңырау шалып, шақыру қағазы жіберілген.

«Маған қоңырау шалып: «бауырым, сен қайдасың?» деп сұрады. Мен «бауырың емес, қарындасыңмын» деп жауап беріп, трансгендер Амилай екенімді түсіндірдім. Маған төлқұжатымды алып, дүйсенбіде әскери мекемеге келуім керек екенін айтты»,  дейді ол.

Сондай-ақ, ол әскерге барынша әдемі болып баруды жоспарлап отырғанын атап өтті.

«Мен армияға дайындаламын. Мен шашымды жасаймын, кірпіктерімді ұзартамын және әскерде әдемі болып жүремін. Әр түрлі жігіттер мен офицерлерді өзіме ғашық ету керек», деп қосты трансгендер.