Қазақстандық спортшы шаңғымен тұғырдан секіруден FIS кубогінде алғаш рет топ жарды

Польшаның Закопане қаласында өтіп жатқан шаңғымен тұғырдан секіруден FIS кубогінде қазақстандық Данил Васильев топ жарды.

Васильев үлкен тұғырдан секіруден жеңіске жетті. Бір қызығы, отандық спортшылар бұған дейін мұндай ірі жарыста топ жармаған.

Данил Васильев 249.4 ұпаймен алтын медаль иеленді. Күмісті даниялық Мартин Хамам (247.5), қоланы австриялық Ульрих Волгенант (246.5) еншіледі.

 Канвондағы жасөспірімдер Олимпиадасының жеңімпазы Илья Мизерных 15-сатыда.