Қазақстандық сарбаз басынан алған жарақатынан қаза тапты

2023 жылы 9 қазанда Қазақстанда Ұлттық ұлан сарбазы қаза тапты.

Ұлттық ұланның баспасөз қызметінің хабарлауынша, қайғылы оқиға 2023 жылдың 9 қазанында болған.

Таратылған хабарламада 6636 әскери бөлімінің жауынгері қатардағы Қайсар Сұлтановтың әскери қалашықты күзету бойынша кезекші бөліміне қабылданғаны айтылған.

«Сағат 01.20 шамасында кезекшіліктің орындалуын тексеру кезінде штаб бойынша кезекші бөлімшенің командирі қатардағы жауынгер Сұлтановты өз постында басынан  атылған оқ жарақатымен тауып алады. Артынша келген жедел жәрдем оның қайтыс болғанын анықтады» деп хабарлады Ұлттық ұланның баспасөз қызметі.

Оқиғаның мән-жайы анықталып жатқаны да айтылды.