Қазақстандық пауэрлифтер Гүзал Ергешева Англияда қайтыс болды

Қазақстандық пауэрлифтер, әлем чемпионы Гүзал Ергешева 8 тамызда Англияда өмірден өтті, деп хабарлайды Orda.kz.

Спортшы Ұлыбританияда жұбайымен бірге тұрған. Қайғылы хабарды оның 30 жылға жуық жақын құрбысы болған тележүргізуші Адель Оразалинова жеткізді. Оның айтуынша, Гузал Ергешеваның жүрегі түнде ұйықтап жатқан кезінде ұстап қалған.

Қайтыс болардан бір күн бұрын спортшы күйеуінің туыстарымен уақыт өткізіп, кейін құрбысымен кездескен. Ол оған күнінің өте жақсы өткенін айтып, болашаққа жоспарларымен бөліскен.

«Ол махаббатқа бөленіп, сүйікті, қажет, өз орнын тапқан, жарқын, жоспарға толы және керемет мейірімді адам ретінде өмірден өтті»,  деп жазды Адель Оразалинова.

Қазір марқұмның отбасы оның денесін Қазақстанға жеткізіп, туған елінде жерлеуді ұйымдастырып жатыр. Құрбысы Ұлыбританиядағы Қазақстан консулдығымен байланыс орнатуға көмектесуді сұрады.

Гузал Ергешева 2017 жылы Канадада бойы аласа спортшылар арасындағы пауэрлифтингтен әлем чемпионатында алтын медаль жеңіп алған еді.

Оқи отырыңыз:

• Бақыт Есімова президент әкімшілігінің бөлім басшысы болып тағайындалды
• Мемлекеттік грант иегерлері анықталды: 2026–2027 оқу жылының басты қорытындылары