Қазақстандық каскадерлер Голливудтың «Наполеон» фильміне түсті

Қазақстандық каскадерлер британдық режиссер Ридли Скотттың «Наполеон» атты жаңа фильмінің түсіріліміне қатысты, деп хабарлайды Оrda.kz.

22 қарашада «Наполеон» фильмінің әлемдік премьерасы өтті. Фильм еліміздің кинотеатрларында 23 қарашадан бастап көрсетіле бастады.

«Біз Ридли Скотт жобасына Үндістанда бірге жұмыс істеген каскадерлік үйлестіруші Ник Пауэллдің ұсынысы арқылы түстік. «Наполеон» фильміндегі барлық трюктерге оның әпкесі Никки хореографиялық  жағынан жетекшілік етті. Түсірілім аяқталғаннан кейін ол жігіттерге жұмысы үшін алғыс айтты. Сонымен қатар олардың қандай кәсіпқой екенін алдын ала білсе, Қазақстаннан көбірек каскадер шақырар едім деді», - дейді «Nomad Stunts» халықаралық каскадерлар тобының жетекшісі, Қазақстанның еңбек сіңірген қайраткері Жайдарбек Күнғожинов. 

«Наполеон» өмірбаяндық фильмі тарихтағы ең атақты Франция императоры Наполеон Бонапарттың алғашқы жылдары туралы баяндайды. Фильмде басты рөлді Хоакин Феникс сомдады.