Қазақстандық кәсіпкерлер 1,4 млрд теңгеге 364 грант алды

ҚР Ұлттық экономика министрлігі кәсіпкерлікті ынталандыру бойынша қолдау шаралары туралы айтты.

Ведомствоның мәліметінше, үкімет бизнесті ынталандыру үшін кең ауқымды қолдау шараларын ұсынып отыр. Ұлттық кәсіпкерлікті дамыту жобасы аясында ҰЭМ шағын және орта бизнесті қолдаудың қаржылық және қаржылық емес шараларын қарастырады.

Бір жыл ішінде 678,4 млрд теңгеге 9 079 жоба субсидияланды, 269 млрд теңгеге 6 952 жобаға кепілдік берілді, 1,4 млрд теңгеге 364 грант берілді, жетіспейтін инфрақұрылымды қамтамасыз ету үшін 23 жобаны жүзеге асыруға 15 млрд теңге бөлінді.

Сондай-ақ, үшінші тоқсанның қорытындысы бойынша 37 523 кәсіпкерге 124 662 кеңес, 18 154 ШОБ субъектісіне 21 292 қызмет көрсетілгені атап өтілді.