Қазақстандық каратэшілер Азия чемпионатында 24 медаль жеңіп алды

Алматыда WKF каратэден жасөспірімдер мен жастар арасында XXI Азия чемпионаты аяқталды.

Қазақстандықтар 24 медаль мен жалпы командалық екінші орынға ие болды.

Жарысқа барлығы 30 елден 600 татами шебері қатысты. Қазақстан құрамасының қоржынында сегіз алтын, бес күміс және 11 қола медаль бар.

«Спортшыларымыздың Ханчжоудағы әлем чемпионаты мен Азия чемпионатында көрсеткен нәтижелері Қазақстан құрамасының тек біздің континентте ғана емес, әлемде де жетекші орынға ие екенін дәлелдеді»,- деді федерация вице-президенті Болат Хавлахат.

Жапондық каратэшілер үздік өнер көрсетті. Олардың еншісінде 14 алтын, бес күміс және төрт қола бар. Үздік үштікті Иран құрамасы түйіндеді.