Қазақстандық «Кадет» көркем фильмі Оскарға ұсынылды

Қазақстандық «Кадет» көркем фильмі 2026 жылы АҚШ-та өтетін «Оскар» сыйлығына  Қазақстан атынан бақ сынайды, деп хабарлайды Orda.kz.

Режиссер Әділхан Ержановтың «Кадет»  фильмі «Үздік халықаралық толықметражды фильм» аталымында бақ сынамақ. Бұл туралы әлеуметтік желіде Ержановтың өзі хабарлады.

«Әскери мектепте сценарийін қолыма ұстап жүрген кездерім есімде. Көптеген компаниялар «тым қараңғы, тым авторлық кино» деп бас тартқан. Бірақ біздің көрермен әртүрлі киноны қалайды. Жанрларымыз жаңарып келеді!»  деп жазды режиссер.

Фильмді 2024 жылы Tiger Film кинокомпаниясы түсірген. Ұлттық премьерасы 2025 жылдың қаңтарында өтті. Ал халықаралық көрсетілімі Токио халықаралық кинофестивалінде ұйымдастырылды. «Кадет» Берлинде, Карловы Варыда және SXSW фестивальдерінде де көрсетіліп, прокатта шағын бюджетін ақтап шықты.