Қазақстандық хоккейшілердің намысына тиген ресейлік комментатор жазаланды

Омбы қаласында ресейлік комментатор Максим Гречанин қазақстандық «Астана» балалар хоккей командасындағы ойыншыларды қорлағаны үшін айыппұл арқалады, деп хабарлайды Orda.kz. 

Бұл туралы Омбы облысының соты мәлімет таратты. Прокуратура Гречанинге қатысты Ресей Федерациясы әкімшілік құқық бұзушылық туралы кодексінің 20.3.1-бабы (ұлты мен шығу тегіне байланысты адамдар тобының қадір-қасиетін көпшілік алдында кемсітуге бағытталған әрекеттер) бойынша әкімшілік іс қозғаған.

Куйбышев аудандық сотының мәліметінше, 5 қаңтарда «Авангард» хоккей академиясында «Сибирь» мен «Астана» хоккей командалары арасында турнир өткен. Гречанин матчтың тікелей трансляциясы жүріп жатқан кезде телефон арқылы қазақстаннан келген жас ойыншыларды балағаттаған. Турнирден кейін Михаил Гречанин, турнир ұйымдастырушылары және Ресей хоккей федерациясы кешірім сұраған.

Гречанин жауапқа тартылып жатса да, сот отырысына қатыспаған. Сот оған 10 мың рубль (64 мың теңге) көлемінде айыппұл салды.

Посмотреть эту публикацию в Instagram

Публикация от @orda.qazaq

Оқи отырыңыз:

• Спорт министрлігі Жәнібек Әлімханұлының допинг дауына қатысты пікір білдірді
• Елімізде балаларға бокс пен ат спортымен айналысуға тыйым салынады
• Неге қазақ жастарынан спорттың элиталық түрінен чемпиондар шықпайды?