Қазақстандық дипломат алғаш рет БҰҰ комитетіне сайланды

Қазақстандық дипломат БҰҰ-ның Әйелдерге қатысты кемсітушіліктің барлық нысандарын жою жөніндегі комитетіне сайланды.

 Қазақстандық дипломат Мәдина Жарбосынова Біріккен Ұлттар Ұйымының (БҰҰ) Әйелдерге қатысты кемсітушіліктің барлық нысандарын жою жөніндегі комитетіне (CEDAW) мүше болып сайланды, деп хабарлайды ҚР Сыртқы істер министрлігі баспасөз қызметі.

«Әйелдерге қатысты кемсітушіліктің барлық нысандарын жою туралы БҰҰ Конвенциясына қатысушы мемлекеттердің XXIII кездесуі аясында БҰҰ штаб-пәтерінде 2025-2028 жылдарға арналған CEDAW мүшелерінің сайлауы өтті. CEDAW-ға алғаш рет Қазақстаннан үміткер, белгілі қазақстандық дипломат Мәдина Жарбосынова сайланды. Бұл маңызды тарихи оқиға, өйткені бұған дейін Орталық Азия елдерінің ешқайсысы БҰҰ-ның маңызды органында өкілдік етпеген» делінген хабарламада.

Атап өтілгендей, Орталық Азия елдерінің ішінде Қазақстан гендерлік теңдік саласында ілгерілеуші ​​көшбасшы болады.