Қазақстандық дәрігерлер «Нипах» ауруының алдын алу бойынша үндеу жасады

Жақында ғана Үндістан қазақстандықтарға 30 күндік визасыз режим енгізген болатын. Осыған орай ҚР ДСМ санитарлық-эпидемиологиялық бақылау комитеті Үндістаннан таралған «Нипах» ауруының алдын алу бойынша үндеу жасады, деп хабарлайды Orda.kz.

ДСМ-нің мәліметінше, Оңтүстік-Шығыс Азия елдерінде жүргенде ауру белгілері, мысалы жоғары температура, жөтел немесе қатты бас ауруы болған жағдайда аурухана көмегіне жүгінген жөн.

• Жарқанат пен шошқадан және басқа да жануарлардан аулақ болу;
• Жеке гигиена ережелерін сақтау, қолды сабындап жиі жуу немесе антисептик қолдану;
• Тек қауіпсіз ауыз суды пайдалану;
• Шикі құрма шырынын ішпеу, жануарлар ластауы мүмкін өнімдерді тұтынбау;
• Жеміс пен көкөністерді тұтынар алдында мұқият жуу және тазалау.

Денсаулық сақтау министрлігі мен санитарлық‑эпидемиологиялық қызмет Қазақстанда Нипах инфекциясы анықталмағанын хабарлады. 

Оқи отырыңыздар:

• Үндістандық әуекомпания Алматыға ұшатын рейстерін тоқтатты
• Ресейде тараздық екі жігіт диверсия жасап істі болды