Қазақстандық бітімгерлердің жанұялары сарбаз қайтыс болған жағдайда қанша алады?

Қазақстандық бітімгерлер отбасыларына берілетін қаржылық кепілдіктердің көлемі Қазақстан мен БҰҰ арасындағы меморандумды ратификациялау туралы заң жобасында көрсетілген.

Қорғаныс министрлігі тиісті жобаны ашық құқықтық актілер сайтында орналастырды. Құжатта БҰҰ бітімгерлерге Голан жоталарында болғаны үшін ай сайын 1448 доллар төлейтіні айтылған. Сондай-ақ күнделікті жәрдемақы мен еңбек демалысының мөлшері де көрсетілген.

Сонымен қатар, бітімгерлер COVID-19 зерттеуіне қатысқаны үшін айына 4,90 доллар алады.

Ал қайтыс болған немесе мүгедек болған жағдайда Халықаралық ұйым құрбанның отбасына 77 000 доллар көлемінде өтемақы төлейді.

«Бас Ассамблеяның 2018 жылғы 5 шілдедегі 72/285 нұсқауы өлім мен мүгедектіктің ағымдағы мөлшерлемесін 77 000 доллар деңгейінде белгіледі» делінген құжат жобасында.

Жеке төлемдерден бөлек, бітімгершілік күштерді пайдалану үшін Қазақстан үкіметіне жылына миллион доллар бөлінеді. 139 адамды Таяу Шығысқа жіберу туралы шешім осы жылдың қаңтар айында жарияланған болатын.