Қазақстандық биатлоншы 1994 жылдан бері алғаш рет Хрусталь глобусты ұтып алды

Қазақстандық спортшы Ербол Хамитов қысқы спорт түрлерінен Әлем кубогының жалпы есебінде топ жарып, Қазақстан тарихында алғаш рет биатлоннан «Хрусталь глобус» марапатын жеңіп алды, деп хабарлайды Orda.kz.

Хамитов бұған дейін ММА және грэпплинг бойынша ел құрамасының мүшесі болған. 2017 жылдан бастап паралимпиада биатлоны мен шаңғы жарыстарына ауысқан. Бұған оның қастандық салдарынан алған оқ жарақаты себеп болды.

2023 жылы Хамитов пара шаңғы жарысынан әлем чемпионы атанса, 2024 жылы биатлоннан әлем чемпионы болды. 2024-25 маусымының қорытындысы бойынша ол Әлем кубогының жалпы есебінде жеңіске жетіп, Хрусталь глобусқа ие болды.

«Бұл – армандаған жетістік! Бұған дейін біз тек армандап келдік, ал қазір бұл шындыққа айналды. Қазақстан спорты тарихында өз атымды қалдырғаныма қуаныштымын», — деді Ербол Хамитов.

Бұған дейін Қазақстаннан ешбір паралимпиадашы биатлон бойынша Әлем кубогының жалпы есебін жеңіп көрмеген. Бұл жетістік Олимпиада чемпиондарына да бұйырмаған. Хрусталь глобусты Қазақстанға соңғы рет 1994 жылы шаңғышы Владимир Смирнов әкелген болатын.