Қазақстандық азамат 35 діни кітапты заңсыз әкелгені үшін айыппұл төледі

Қазақстандық азамат 35 діни кітапты заңсыз әкелгені үшін айыппұл төледі, деп хабарлайды Orda.kz порталы.

Халықаралық рейспен ұшқан 22 жастағы жолаушыға 35 дана діни кітаптарды заңсыз әкелгені үшін айыппұл салынды.

«Полиция қызметкерлері Әбу-Даби-Түркістан рейсі бойынша ұшқан жолаушыны тексеру барысында Қазақстан Республикасының діни қызмет және діни бірлестіктер туралы заңнамасын бұзған 22 жастағы Атырау қаласының тұрғынын анықтады. Тексеру нәтижесінде діни мазмұндағы 35 дана кітап тәркіленді», - деп хабарлады полицейлер. 

Ер адам діни әдебиеттерді әкелуде талаптарды бұзғаны үшін әкімшілік жауапкершілікке тартылып, оған 50 АЕК (184 600 теңге) көлемінде айыппұл салынды.