Қазақстандық авторлардың кітаптары Ресейдегі сатылымнан алынып тасталды

Журналист Олег Кашин facebook-парақшасында ресейлік «Альпина» басылымының жіберген хатын ұсынды. Хатта сатылымнан алынатын кітаптар жазылған, деп хабарлайды Orda.kz. 

Жалпы тізімде 25 кітап бар. Сол авторлардың тізімінде Ресей, Қазақстан, АҚШ, Германия, Израиль және Ұлыбритания азаматтары бар.

Қазақстандық авторлардың мынадай шығармаларын алып тастау ұсынылды:

• «Однажды в Казахстане», авторы Анастасия Нам — қазіргі қазақ прозасы. Шығармада абьюзерлердің қарым-қатынасы, жұмыс орнындағы харассмент және қиындықтарды еңсеру тақырыптары көтеріледі;
• «Звёзды за той темнотой», авторы Виктор Пораско — мистикалық триллер. Қорқынышты және драмалық элементтерге толы бұл шығармада мектептегі буллинг, отбасындағы зорлық-зомбылық, психологиялық жарақаттар мен кісі өлтіру оқиғалары суреттеледі;
• «Жакоша», авторы Саша Левин — бұрынғы журналист жайлы қорқынышты жанрда жазылған роман. Шығармада түрлі нәрсеге тәуелді болған басты кейіпкер өзімен-өзі күреседі.

Сатылымнан алынбақ болған басқа кітаптардың арасында көркем әдебиет те, нон-фикшн де бар. Сол нон-фикшн кітаптарының тақырыптары жыныстық қатынас, саясат, ер мен ердің, әйел мен әйелдің қарым қатынасы, дін және театрға қатысты.

Еске сала кетейік, 23 маусым күні белгілі жазушы, әдебиеттанушы Мұхтар Мағауиннің ұлы Мағжан Мағауин дүниеден өтті.