Қазақстандағы жылу электр станцияларын жөндеуге қаржы қайдан түседі?

Мәжілісте энергетика министрі Алмасадам Сәтқалиев Қазақстандағы жылу электр стансаларын жөндеуге қанша қаражат қажет екенін және оны қайдан алатындарын айтты.

Ол жылу электр орталығын жөндеуге шамамен 380 миллиард теңге қарастырылғанын атап өтті.

«Оның 361 млрд теңгесі тарифтер мен осы станция иелері есебінен бөлінеді. Қалған 20 миллиардқа жуық қаражат мемлекеттің араласуы қажет және тариф шекті жүктемені көтеру үшін қажетті жұмыстарды жүргізуге мүмкіндік бермейтін нысандар үшін үкімет резерві есебінен тартылады»,-  деді Алмасадам Сәтқалиев.

Сондай-ақ, Қазақстан үкіметінің Көкшетау, Семей және Өскемен қалаларында көмірмен жұмыс істейтін жылу электр станцияларын салу туралы қаулы жобасын дайындағаны хабарланды. Олардың құрылысын ресейлік мамандар жүргізеді.