Қазақстандағы Жеңіс шеруі тек Байқоңырда өтеді

Байқоңырда Жеңіс шеруі өтеді.

Қазақстанда соңғы әскери шеру 2018 жылдың 7 мамырында өтті. Биыл үкімет әскердің жауынгерлік әзірлігін күшейтіп, қаржыны үнемдеу мақсатында салтанатты шеру өткізбеу туралы шешім қабылдады.

Дегенмен, Қазақстанда әлі де шеру өтетін қала бар. Байқоңыр қаласының әкімдігі мамыр айындағы іс-шаралар туралы алдын ала хабарландырумен бөлісті. 9 мамырда Байқоңырда Ленин алаңында концерт, митинг, гүл шоқтарын қою және Жеңіс шеруі өтеді.

Байқоңырда 70 мыңнан астам адам тұрады, басым бөлігі Қазақстан азаматтары. Байқоңыр Ресейге 2050 жылға дейін жалға берілген «Байқоңыр» кешенінің бір бөлігі. Ол сондай-ақ Ресей Федерациясының федералдық маңызы бар қаласына сәйкес мәртебеге ие.

Қазақстан бюджетіне жыл сайын жалға алу үшін 115 миллион доллар түседі.

Қазақстан бес жыл қатарынан Жеңіс шеруін өткізген жоқ. 2020 және 2021 жылдары іс-шаралар коронавирустық пандемияға байланысты тоқтатылды. Одан кейінгі жылдары Қорғаныс министрлігі басқа да басымдықтар бар деп жауап берді.

Айта кетейік, президент Қасым-Жомарт Тоқаев 2025 жылы Ұлы Жеңістің 80 жылдығын мерекелеуге дайындықты бастауды тапсырған болатын.