Қазақстандағы су тасқыны: су 59 елді мекенмен байланысты үзді

Қазақстанның әр өңірінде су тасқынын жою жұмыстары жалғасып, алдын алу шаралары жүргізіліп жатыр.

Су тасқыны кезеңінің басынан бері 75 мыңнан астам адам құтқарылды және эвакуацияланды, оның 18 мыңы балалар.

Атырау, Ақтөбе, Ақмола, Қостанай, Солтүстік Қазақстан және Павлодар облыстарында шиеленіскен жағдай жалғасып жатыр.

ТЖМ Төтенше жағдайларды жою департаментінің мәліметінше, республикада 3704 жеке тұрғын үй мен 1824 саяжай су астында қалып отыр.

Уақытша орналастыру орталықтарында 7 мыңнан астам адам болса, оның 3180-і балалар. Қазір елдің он аймағында төтенше жағдай жарияланды.

Апаттық-құтқару жұмыстарына 17 мыңға жуық адам жұмылдырылды. Сенім телефоны ашылып, оған мыңнан астам қоңырау келіп түскен.

«Зардап шеккен аймақтарға 127 тонна гуманитарлық көмек жеткізілді, Қырғызстаннан гуманитарлық көмек жолға шықты (тамақ, жылы киімдер салынған  тіркемесі бар 15 жүк көлігі)» деді ТЖМ Төтенше жағдайларды жою департаментінің басшысы Қаһарман Оразалин.