Қазақстандағы АҚШ елшісі қызметінен кетпек

АҚШ-тың Қазақстандағы елшісі Дэниел Розенблюм 2025 жылдың 20 қаңтарында өз қызметін аяқтайтынын мәлімдеді, деп хабарлайды Orda.kz.

Қазақстандағы АҚШ елшісі Дэниел Розенблюм 26 қарашада Қазақстан үкіметіне 2025 жылдың 20 қаңтарында өз қызметінен кететінін хабарлады. Ол 28 жылдан астам уақыт АҚШ Мемлекеттік департаментінде қызмет етіп, 2022 жылдың қарашасынан бастап Қазақстандағы миссияны басқарды. Елші Розенблюм алдағы уақытта өзінің ерекше дипломатиялық мансабын аяқтайтынын айтты.

Ол Қазақстанда жұмыс істей жүріп, екі ел арасындағы сауда мен инвестициялар, халықтар арасындағы қарым-қатынастар, университеттер арасындағы серіктестіктер мен қауіпсіздік саласындағы ынтымақтастықта маңызды жетістіктерге қол жеткізді. Елші өз елінің Қазақстанға деген қолдауы мен сенімін арттырып, екіжақты стратегиялық мүдделерді алға жылжытты.

«Қазақстан халқын жақынырақ танып, оның тарихын терең түсінуге мүмкіндік туғаны үшін ерекше қуаныштымын. Мен үшін Қазақстанда қызмет ету үлкен мәртебе болды», – деп атап өтті Розенблюм. 

Елші өз миссиясын жалғастыратынына және Қазақстандағы АҚШ елшілігінің жұмысы әрі қарай да сәтті болатынына сенімді екенін айтты. Жаңа елші тағайындалғанға дейін миссияны АҚШ елшілігінің орынбасары Дебора Робинсон басқармақ, ал Алматыдағы АҚШ бас консулы Мишель Еркін қызметін жалғастырады.