Қазақстанда зиянды тағамдарды жарнамалауға тыйым салынбақ

Сенат депутаттары балаларды зиянды өнімдер жарнамасынан қорғауды ұсынды.

Премьер-министрдің орынбасары Тамара Дүйсенова сенаторлардың сауалына жауап бере отырып, қазір бұл мәселемен бірнеше министрлік айналысып жатқанын баса айтты.

«Денсаулық сақтау және Мәдениет және ақпарат министрліктері республикалық телеарналар мен радиоарналарда балаларға арналған зиянды өнімдерді жарнамалауға уақытша шектеулер енгізу мәселесін қарастыруда» делінген Дүйсенованың жауабында.

Зиянды өнімдер қант, тұз және транс майлары көп тағамдарды білдіреді.

Дүйсенованың айтуынша, жарнаманы шектеумен қатар, зиянды тағамды тұтынуды азайту үшін басқа да шаралар қарастырылуда.