Қазақстанда жылу желілеріне рұқсатсыз қосылғандар жазаланады

Мәжіліске энергетика министрі Алмасадам Сәтқалиев «Жылу энергетикасы туралы» заң жобасын таныстырды.

Құжатта қарастырылған нормалардың бірі жылу-энергетика саласындағы бұзушылықтар үшін әкімшілік жауапкершілікті күшейту болады.

Жалпы, заң жобасы бүкіл саланы бақылауға бағытталған.

«Соның ішінде көптеген азаматтардың өмірі мен денсаулығына зиян келтіруі мүмкін осы бұзушылықты жасағаны үшін жауапкершіліктің жоқтығынан жылу желілеріне заңсыз қосылуға қатысты» деп атап өтті министр.

Сондай-ақ, жылу энергиясына тарифтер сәйкес келуге тиіс тарифтік реттеу принциптері мен критерийлері белгіленген.

«Атап айтқанда, тарифтік әдістемені жетілдіру, экономикалық негізделген тарифті қамтамасыз ету, инвестиция тарту мүмкіндігі. Сонымен қатар, жылу энергиясына тарифтерді экономикалық негізделген деңгейге дейін жеткізу және халық арасындағы әлеуметтік шиеленістің алдын алу мүмкіндігін қамтамасыз ету үшін халықтың әлеуметтік қорғалмаған тұтынушыларын тікелей бюджеттік қолдау тетігі қарастырылған»,- деп қосты Алмасадам Сәтқалиев.