Қазақстанда Жеңіс күніне орай әскери шеру болмайды

2024 жылы Қазақстанда Жеңіс күніне арналған шеру өткізу жоспарда жоқ.

Бұл туралы қорғаныс министрлігі хабарлайды.

Ведомство түсіндіргендей, мұндай шешім қабылдауға бюджет қаражатын үнемдеу ниеті себеп болып отыр.

«Қазақстан Қарулы Күштері бөлімшелерінің жауынгерлік әзірлігі мен ұтқырлығының қажетті деңгейін ұстап тұру басымдылыққа жатады» деп атап өтті ведовство.

Бұған дейін Қорғаныс министрлігі бір парадтың бюджетке орташа есеппен 4 миллиард теңгеден астам шығын әкелетінін хабарлаған болатын.