Қазақстанда жаңа айыппұл енгізілді

Көпқабатты үйде тәртіп бұзғандарға жаза күшейтілді, деп хабарлайды Orda.kz. 

Енді көпқабатты үйде тұру ережелерін бұзғандардың бәрі айыппұл арқалайды. Тазалық сақтамаған,  тыныштық бұзған тұрғындарға қатаң шара қолданылады. Заң бұзған тұрғындар айыппұл төлеп қана қоймай, кей жағдайда қамауға да алынуы мүмкін. 

Тұрғындар кіреберісте темекі шексе, 58 000 теңге айыппұл арқалайды. Ал қоқысты есік алдына немесе контейнерден тыс жерге тастағандар 78 000 теңге төлесе, вандализм мен қабырғаға жазу жазғандар 197 600 теңге немесе 20 тәулікке дейін қамауға алынады. Түнгі уақытта тыныштықты бұзған жеке тұрғын 19 660 теңге, кәсіпкерлік субъектілері 78 000 теңге айыппұл арқалайды. Сондай-ақ кіреберіске зат қоюға тыйым салынды. 

Алматы қаласы полиция департаменті өкілдерінің мәліметінше, ереже алғаш рет бұзылса, учаскелік инспектор ескерту ғана жасайды. Бірақ заңға бағынбағандар әкімшілік жауапкершілікке тартылады.

Айта кетейік, Қазақстанда көліктен басын шығарған жолаушыларға 393 мың теңге айыппұл салынады.