Қазақстанда жалақыға дейін шағын несие беруге тыйым салу ұсынылды

Үкімет Қазақстанда жалақыға дейін төленетін шағын несиелерді алып тастағысы келеді.

Бұл туралы Қаржы нарығын реттеу және дамыту агенттігінің төрайымы Мәдина Әбілқасымова айтты.

«Микроқаржы қызметі туралы заң аясында  микрокредиттің ерекше түрі ретінде жалақыға дейінгі несиені толығымен жою бастамасын ұсынып, қолдаймыз. Бұл несиелер қазір 45 күнге дейінгі мерзімге беріледі. Күні 50 АЕК-ке дейін және одан да жоғары мөлшерлемеге ие. Осы қысқа мерзімге номиналды мөлшерлеме 15-20% болады»,- деді Әбілқасымова Мәжіліс отырысында.

Ол шағын несиелерді бір жылдық тиімді мөлшерлемемен беру үшін заң аясында бұл норманы алып тастау ұсынылып отырғанын түсіндірді.

Оның айтуынша, бұл норма Қазақстанда 2024 жылдың 1 қаңтарынан бастап, егер заңнамалық түзетулерді депутаттар қабылдаса, енгізуі мүмкін.