Қазақстанда зергерлік бұйымдарды ұрлап, ізін суытқан әйел Стамбұлда ұсталды

ІІМ Стамбұлда халықаралық іздеуде жүрген 33 жастағы әйелді ұстады, деп хабарлайды Orda.kz.

Ол 2021 жылдың желтоқсанынан 2022 жылдың маусымына дейін Астанадағы зергерлік дүкендердің бірінде сатушы болып жұмыс істеген. Әйел жұмыс орнынан жалпы құны 156 млн теңгеден асатын бұйымдарды ұрлап кеткен.

27 қарашада түрік құқық қорғау органдарының көмегімен күдікті Қазақстанға депортацияланып, қамауға алынды.

Оған ҚР ҚК-нің 188-бабының 4-бөлігі бойынша «ұрлық» деген айып тағылды. 

Айта кетейік, құлағы нашар еститін жүргізушіге жол ақысын төлемей кеткен жолаушы табылды.