Қазақстанда Украина мен Молдова азаматтары есірткі зертханасын ашты

Ерейментау қаласында үйде есірткі зертханасын ұйымдастырған трансұлттық қылмыстық топқа қатысты үкім шықты, деп хабарлайды Orda.kz.

Трансұлттық қылмыстық топ Украина мен Молдова азаматтарынан құралған. 10 келі мефедрон мен 17 келіден астам прекурсорлар, сондай-ақ синтетикалық есірткі өндіруге арналған арнайы құрал-жабдықтар табылды.

Есірткі заттар қатаң құпия жағдайда дайындалған. Үйде ұйымдастырушыға онлайн режимінде деректерді беретін бейнебақылау жүйесі орнатылып, шикізат пен дайын өнімдерді сақтауға арналған гараж жалға алынған.

Ұйымдастырушы 23 жылға, ал сыбайластары мүлкі тәркіленіп, 22 жылға бас бостандығынан айырылды.

Үкім заңды күшіне енді.