Қазақстанда ҰБТ өткізу мерзімдері өзгертілді

Елімзіде ҰБТ өткізу мерзімдері кейінге шегерілді, деп хабарлайды Orda.kz. 

Ұлттық тестілеу орталығының хабарлауынша, ҰБТ 23 және 24 мамырда өтуі тиіс болған. Енді 23 мамырға тіркелген талапкерлер ҰБТ-ны 25 мамырда тапсырады. Ал 24 мамырға өтініш бергендер үшін тестілеу 1 маусымда өтеді.

Жаңа күндер app.testcenter.kz сайтындағы талапкерлердің жеке кабинетінде көрсетіледі. Оқушыларға қосымша SMS-хабарлама да жолданады.

Айта кетейік, биыл 25 мамыр – жексенбіге сәйкес келгендіктен, соңғы қоңырауға арналған салтанатты іс-шаралар мектеп әкімшілігінің шешімімен 23 немесе 24-і өтетіні айтылған еді.