Қазақстанда тұрғын үй салуда еуропалық технологиялар қолданыла бастайды

Брюссельде қазақстандық және люксембургтік компаниялар стратегиялық серіктестік туралы меморандумға қол қойды.

Қол қойылған меморандум Қазақстанның құрылыс және өнеркәсіп салаларындағы инвестициялық жобаларды бірлесіп жүзеге асыруды көздейді. Ынтымақтастық еуропалық тәжірибе мен технологияларды қолдану арқылы тұрғын үй құрылысында энергия тиімділігін арттыруға бағытталатын болады.

Люксембургтік компанияның аға менеджері Джанкарло Флорестің айтуынша, олар Қазақстанда энергия тиімділігін, құрылыс пен сәулет саласындағы тұрақтылықты дамытуға жәрдемдесуді жоспарлап отыр.

«Люксембург пен Испанияда осы салада 60-тан астам жобамыз бар. Біз энергетика және тұрақты даму саласында белсенді жұмыс жасаймыз. Мен бір ай бұрын Қазақстанда, Астана мен Алматыда болдым. Елордаңыздың сәулет өнері мен энергиясын керемет. Қонақжай халқы бар өте заманауи қала», - деді ол. 

Қазақстандық компанияның бас директоры Магомед Имадов болашақта тіпті орташа табысы бар адамдардың да өз үйінде энергия үнемдейтін технологияларды пайдаланып, жаңартылатын энергия көздерін пайдалану мүмкіндігіне ие болатынын атап өтті.

«Нағыз ақылды үй құру, энергия үнемдейтін технологияларды қолдану және жаңартылатын энергия көздерін пайдалану - бұл өте ұзақ процесс, өйткені бізге бұл жобаны жүзеге асырудың тетігін ғана емес, сонымен қатар орташа табысы бар адамға мүмкіндік беретін кейбір қаржылық тетіктерді жасау керек. Мүмкін табысы орташадан төмен адамдар да біз игеретін ауданда баспана сатып ала алатын шығар. Өйткені біз тегін жабық аумақтарға назар аударғымыз келеді, аз қабатты тұрғын үйге және эстетикалық келбетке назар аударғымыз келеді», - деді Магомед Имадов.