Қазақстанда тұрғын үй салу үшін жер беру талаптары өзгереді

Енді жер учаскесін берер алдында оны арнаулы есепке қою қажет, деп хабарлайды Orda.kz. 

Қазақстанда жеке тұрғын үй салу үшін жер беру талаптарына өзгеріс енгізу көзделген. Бұл туралы Жеке тұрғын үй құрылысы үшін жер учаскелеріне құқық беру қағидаларының жаңа мазмұнынан белгілі болды.

Өзгеріс жобасына сәйкес, Қазақстан Республикасының азаматтарына жеке тұрғын үй құрылысы үшін жер учаскелерін арнаулы есепке қоймай, оларды беруге тыйым салынады. 

Аталған құжатқа сәйкес, сумен және электрмен жабдықтау желілерімен қамтамасыз етілген алаңдар ғана  жеке тұрғын үй құрылысы үшін беріледі. Бірақ сумен жабдықталмаған елді мекендердегі жер учаскелері электрмен жабдықтау желілері болған кезде ғана рұқсат етіледі.