Қазақстанда тұратын басқа ұлт өкілдері

Ұлттық статистика бюросы елімізде тұратын басқа ұлт өкілдеріне қатысты мәліметтерді жариялады, деп хабарлайды Orda.kz.

Қазақстан халқының бірлігі күні қарсаңында Ұлттық статистика бюросы елде тұратын 15 ірі халықтың саны туралы деректерді жариялады. 

Бюроның мәліметінше, қазіргі таңда Қазақстан Республикасының халқы 20,3 миллионнан асады. Оның ішінде қазақтар - 14 456 709 адам. Екінші орында орыстар - 2 963 938 адам, үшінші орында өзбектер - 678 487 адам. Қалған 12 ірі халықтың саны келесідей:

 4. Украиндар – 371 807;
5. Ұйғырлар – 305 648;
6. Немістер – 223 272;
7. Татарлар – 218 926;
8. Әзірбайжандар – 155 364;
9. Кәрістер – 120 686;
10. Түріктер – 91 732;
11. Дұнғандар – 86 067;
12. Белорусьтер – 74 389;
13. Тәжіктер – 58 712;
14. Күрдтер – 51 171;
15. Қырғыздар – 40 200.
 

Барлығы ҚР-да 120-дан астам ұлт өкілі тұрады.

Бүгін Қазақстан Республикасының президенті Қасым-Жомарт Тоқаев Қазақстан халқының бірлігі күнімен құттықтады.