Қазақстанда тағы үш жол учаскесі ақылы болады

10 шілдеден бастап Қазақстанда республикалық маңызы бар автожолдардың тағы үш учаскесінде жол жүру ақылы болады, деп хабарлайды Orda.kz.        

«ҚазАвтоЖол» мәліметінше, ақылы режим Қарағанды – Балқаш – Бұрылбайтал, Бұрылбайтал – Күрті және Талдықорған – Өскемен бағыттарында енгізіледі.

Қарағанды – Балқаш – Бұрылбайтал бағытындағы жолдың жалпы ұзындығы 645,64 шақырым. Оның 91 шақырымы бұған дейін де ақылы болған, ал қалған 554,64 шақырымы да енді ақылы болады. Учаске трассаның 247 шақырым 700 метрінен басталып, 2151 шақырымында аяқталады. Шекті рұқсат етілген жылдамдық — сағатына 140 шақырым.

Тағы бір жаңа ақылы учаске Бұрылбайтал – Күрті жолында енгізіледі. Оның ұзындығы 80 шақырым, 1041 шақырымнан 1121 шақырымға дейінгі аралықты қамтиды.
Бұл жерде де ең жоғары рұқсат етілген жылдамдық — сағатына 140 шақырым.

2026 жылғы 11 шілдеден бастап Талдықорған – Өскемен автожолының бір бөлігі де ақылы болады. Ақылы учаскенің жалпы ұзындығы — 772,955 шақырым. Оның ішінде 32,4 шақырымы бірінші санаттағы жолға, ал 740,55 шақырымы екінші санаттағы жолға жатады.
Учаске 287 шақырымнан басталып, 1073 шақырымда аяқталады.

Жол санатына байланысты рұқсат етілген жылдамдық:

• бірінші санаттағы жолда — сағатына 110 шақырымға дейін,
• екінші санаттағы жолда — сағатына 100 шақырымға дейін.

Компанияның хабарлауынша, барлық учаскелерде қажетті инфрақұрылым дайындалған. Көлік құралдарын сәйкестендіру және жол жүру ақысын есептеу автоматты түрде жүзеге асады, бақылау аркасы арқылы өткен кезде мемлекеттік тіркеу нөмірі тіркеледі.

Осы тұрғылықты жердегі жүргізушілер 1403 байланыс орталығы арқылы көлік шотын абонемент құнына сәйкес толықтырып, қызметті қосу үшін байланыс орталығына хабарласып, абонемент  рәсімдей алады.

Абонемент  рәсімдеу kaztoll.kz сайты арқылы жүзеге асады, ол  үшін сайтта тіркеліп, 
көлік құралын қосу қажет. Сонымен бірге «Абонемент рәсімдеу» бөлімін таңдап, қажетті түрін (айлық немесе жылдық) белгілеу керек.

Төлем қабылдау бекеттері немесе қызмет көрсету орталықтары, операторға жүгіну,  абонементті ыңғайлы тәсілмен (карта, қолма-қол немесе интернет-банкинг арқылы) төлеу арқылы реттеледі.

Еске сала кетейік, бұған дейін тағы төрт ақылы жолда орташа жылдамдықты бақылау енгізілген болатын.

Оқи отырыңыз:

• 2026 жылы алты жаңа бағытта ақылы жол іске қосылады
• Сапасыз жолдан көлігіңіз сынса — «ҚазАвтоЖол» ақы төлейді
• Ескі асфальтқа төгілген тас: Тарбағатай–Аягөз тасжолы сынға ұшырады