Қазақстанда тағы екі республикалық маңызы бар жол жабылды

Жамбыл облысы мен Жетісу өңірінде боран мен қалың қардың түсуіне байланысты республикалық маңызы бар екі күре жолда көлік қозғалысы жабылды, деп хабарлайды Orda.kz.

«Қазавтожол» хабарлағандай, Жамбыл облысында ұзындығы 95 шақырымды құрайтын «Алматы-Ташкент-Термез» автожолының бір бөлігі (Кенен ауылынан Қайнар ауылына дейін) жабылды.

Жетісу өңірінде де бір учаскеде көлік қозғалысы жабылды. Үшарал – Достық тас жолы Көктұма стансасынан Достық стансасына дейін жабылды. Қозғалыс шектелген учаскенің ұзындығы 100 шақырым болады.

Жолдардағы қозғалысты қалпына келтіру үшін 288 арнайы техника шығарылды.