Қазақстанда тағы бір ресми тіл болуы мүмкін

Қазақстанда тағы бір тілді ресми ету мәселесі қарастырылып жатыр,  деп хабарлайды Orda.kz.       

Үкімет бірқатар шетел мемлекеттерінің тәжірибесін зерттей отырып, ымдау-ишарат тілін оқып-үйрену жоспары туралы мәлімдеді. Сонымен қатар дактиль әліпбилері де зерттелетін болады.

«Халықаралық тәжірибе Ұлыбритания, Исландия, Аустралия, Жаңа Зеландия, Норвегия, Аустрия, Испания, Швеция және Оңтүстік Африка Республикасы сияқты елдерде ымдау-ишарат тілі ресми түрде танылғанын көрсетеді. Алдағы уақытта Қазақстан Республикасының шет елдердегі мекемелерінің қатысуымен ымдау тілдері мен дактиль әліпбилерін ресми түрде тану жөніндегі халықаралық тәжірибе зерттелетін болады» деп жазылған үкіметтің депутаттық сауалға берген жауабында. 

Кейінірек үкімет қазақ тіліне бейімделген ымдау тілін және дактиль әліпбиін ресми түрде тану бағытында жұмыс жүргізетін болады.

Жақында Л.Н.Гумилев атындағы Еуразия ұлттық университетінің ақпараттық технологиялар факультетінің оқытушысы Нұрзада Амангелді қазақша ымдау тілін танудың интеллектуалды жүйесін жасап шығарған болатын. Бірегей әзірлеме ерекше қажеттіліктері бар адамдарға арналған.

Ым тілі — жай ғана қарым-қатынас құралы емес, сонымен қатар нашар еститін адамдар үшін өзгерістер мен мүмкіндіктерді кеңейтудің бір жолы. Бұл саңыраулар мен мылқаулар қауымдастығына дауыс беру арқылы қоғамға толық қатысуға және ашық дереккөздердегі ақпаратқа қол жеткізуге мүмкіндік береді.

Адамдар мылқау, саңырау және нашар еститін адамдарды жақсырақ түсінуге ұмтылуда. Қазіргі уақытта жаңадан бастағандар мен озық пайдаланушыларға бейвербалды қарым-қатынасты үйренуге көмектесетін көптеген қосымшалар бар.