Қазақстанда сүт өнімдері 20 пайызға қымбаттады

Қыркүйек айында Қазақстанда сүт бір жыл ішінде 20 пайызға қымбаттады.

Бұл туралы Energyprom.kz хабарлайды.

Қыркүйек айында сүт бағасы өткен жылмен салыстырғанда 20 пайызға қымбаттады. Бұл ретте басқа сүт өнімдерінің бағасы да өсті. Орташа алғанда – 16,1%-ға.

Мәселен, сүт консервілері 26,4%-ға, сүзбе 11,8%-ға, қатты ірімшік 10,7%-ға қымбаттады.

Биылғы жылдың қыркүйек айында ашытылған сүт өнімдері өткен жылмен салыстырғанда 15,7 пайызға қымбаттады. Әсіресе айран – 17,5%-ға, қаймақ – 16,6%-ға, йогурт – 9,8%-ға қымбаттады.

Сүт бағасы Батыс Қазақстан, Қызылорда және Ұлытау облыстарында: сәйкесінше 24,7%, 24,3% және 23,7% айтарлықтай өсті. Бағаның ең аз өсімі Алматы облысында – бар болғаны 10%-ға байқалды.