Қазақстанда синтетикалық есірткілер көбірек тәркіленуде

Тәркіленетін синтетикалық препараттардың саны жылдан жылға артып келеді. Бұл туралы ІІМ есірткі қылмысына қарсы іс-қимыл департаменті бастығының орынбасары Бақытжан Әмірханов мәлімдеді.

Бірінші жартыжылдықта 4 079 қылмыстық есірткі құқық бұзушылық анықталды. ІІМ бөлімшелері 1 048 сату фактісін тоқтатты. Бұл 2023 жылмен салыстырғанда үштен біріне көп. Сондай-ақ, есірткі заттарын аса ірі мөлшерде сақтаудың 254 фактісінің жолын кесті. Ұйымдастырылған алты қылмыстық топтың ұйымдастырушылары мен қатысушыларына қатысты 11 қылмыстық іс қозғалды. Интернет арқылы есірткі өткізу фактілері бойынша 371 қылмыс тіркелді. Есірткіні жарнамалау және насихаттау фактілері бойынша сотқа дейінгі 46 іс қозғалды.

Сонымен қатар, 31 есірткі зертханасы таратылды, оның 17-сі синтетикалық есірткі өндірісіне мамандандырылған. Есірткі өндірушілерден 186 келіге жуық синтетикалық есірткі тәркіленді.

"Алынатын синтетикалық препараттардың саны жылдан жылға артып келе жатқанын атап өткім келеді. Тек бірінші жартыжылдықта қалалардың көшелеріне 355 килограмнан астам осындай психоактивті заттар немесе 700 мыңнан астам бір реттік дозалар жіберілмеді. Бұл өткен жылмен салыстырғанда екі есе көп. Мәселенің ауырлығын түсіну үшін осы препараттың бір граммын өткізгені үшін жаза 15 жылға дейін бас бостандығынан айыруды көздейтінін айтамын", – деді Әмірханов.

Барлығы 17,5 тонна есірткі тәркіленді, оның ішінде 3,2 тонна марихуана және 426 келі гашиш бар.