Қазақстанда шетелдік азамат 11 жылға сотталды

Ақмола облысында шетел азаматы 11 жылға бас бостандығынан айырылды, деп хабарлайды Orda.kz ішкі істер министрлігіне сілтеме жасап.

2024 жылдың қыс мезгілінде Көкшетау қаласының есірткі қылмысына қарсы күрес бөлімінің қызметкерлері жеке тінту кезінде одан 966 гр гашиш тәркіленген өзге елдің азаматын ұстады.

«Полиция есірткіні аса ірі көлемде өткізу мақсатында заңсыз сақтау фактісі бойынша сотқа дейінгі тергеуді бастады. Анықталғандай, 35 жастағы шетелдік азамат қамауға алынардан үш апта бұрын Қазақстан Республикасы аумағына келген. Бірақ сотталушының өзі айтып отырғандай оның тыйым салынған заттарды тарату ниеті болмаған. Тағылған айып бойынша ер адамның кінәсі толық дәлелденді»,  деп қосты полиция.