Қазақстанда Путин, Трамп және Байден есімді қанша адам тұрады

Қазақстанда Путин, Трамп және Байден есімді қанша адам тұратыны белгілі болды.

Ranking.kz  биыл 29 ақпандағы мәлімет бойынша, елімізде Қазақстан есімді 24 адам тіркелгенін жазды.

"Қазақстан атты азаматтар ең көп Ақмола облысында тұрады екен: 7 адам. Астанада осындай есімді тағы 5 адам, Қарағанды ​​облысында 4 адам бар. Сонымен қатар, Қазақстан есімді 3 адам Қостанай облысында, 2 адам Маңғыстау облысында, 2 адам Шымкент қаласында, 1 адам Батыс Қазақстан облысында тұрады". 

Халық арасында Қазақстандағы қалалардың аттастары да бар. Мәселен, қазақстандықтардың ішінде 24 Астана, 20 Алматы және 3 Шымкент есімі бар.

Сонымен қатар, ҚР-да Семей есімді 27 адам, Атырау есімді 15 адам, Түркістан есімді 15 адам , Тараз есімді 14 адам, Ақтау есімді 10 адам, Ақтөбе есімді 1 адам, Талдықорған есімді 1 адам бар.

"Саяси қайраткерлердің де аттары кездеседі. Атап айтқанда, ҚР-да 12 Қасым-Жомарт, 1 Путин, 1 Трамп және 8 Байден тұрады". 

Биыл қаңтардағы Қазақстанда ең танымал есімдер – Медина мен Әлихан. Еліміз бойынша 517 Медина мен 313 Әлихан туған.

Қыздардың есімдері бойынша үздік бестікке Асылым (468 адам), Айша (436 адам), Айлин (387 адам) және Томирис (318 адам) кірді.

Ұл балалар есімдерінің ішінде ең танымал бестікке Мұхаммед (305 адам), Айсұлтан (238 адам), Мухаммад (231 адам) және Алдияр (219 адам) кірді.