Қазақстанда өзіне қол жұмсауға итермелегені үшін жаза күшейтіледі

Мәжіліс әйелдер мен балалардың құқықтары мен заңды мүдделерін қорғауға бағытталған заңнамалық түзетулерді бірінші оқылымда мақұлдады.

Жалпы, түзетулер өз-өзіне қол жқмсауды, қорқытуды, киберқорлауды насихаттағаны және шақырғаны үшін жауапкершілік енгізеді.

Өзін-өзі өлтіруге итермелеу жазасы бес жылдан тоғыз жылға дейінгі мерзімге бас бостандығынан айыруды көздейді. Қолданыстағы заң оның ең ауыр бөлігі үшін сегіз жылға дейін, ал жеңіл бөлігі үшін үш жылға дейінгі мерзімге бас бостандығынан айыруға мүмкіндік береді.

Суицидті насихаттағаны үшін адам 200 АЕК (2024 жылы 738 400 теңге) көлемінде айыппұл төлеуі керек. Сондай-ақ түзетулер кәмелетке толмаған баланы қорлау және киберқорлау үшін 10 АЕК (2024 жылы 36 920 теңге) көлемінде айыппұл салумен әкімшілік жауапкершілікті көздейді.