Қазақстанда өмірге бала әкелу қымбаттайды

1 маусымнан бастап күрделі босануға мемлекет бөлетін тариф бағасы көтерілді.

Бұл туралы денсаулық сақтау министірлігі хабарлайды.

 Денсаулық сақтау министрлігінің мәліметінше, соңғы жылдары мемлекеттен бөлінген бюджеттер медициналық ұйымдар шығындарын өтей алмаған.

 «1 маусымнан бастап асқынған босану, оның ішінде кесар тілігі бойынша тарифтер 60%-ға, ал жаңа туған нәрестелерді күту бойынша тарифтер 35%-ға көтерілді. Бұл медициналық қызметтердің ауқымы мен сапасын кеңейтіп, білікті мамандарды тартуға мүмкіндік береді» делінген хабарламада.

Министрлік медициналық ұйымдардың қарыз ауыртпалығының бір себебі акушерлік көмекті қаржыландырудың жеткіліксіздігі деп санайды.

 «Қабылданған шаралар медициналық ұйымдарға қаржылық тұрақтылыққа қол жеткізуге мүмкіндік береді, бұл өз кезегінде халыққа көрсетілетін медициналық көмектің сапасы мен қолжетімділігін арттырады. Ал перзентханада болу ана мен бала үшін ыңғайлы әрі қауіпсіз болады», - деді.