Қазақстанда ЛГБТ насихатына қарсы 50 мыңнан астам қол жиналды

Қазақстандағы ЛГБТ насихатына қарсы петицияға 50 мыңнан астам қол жиналды. Енді үкімет оны қарайтын болады.

Бұл туралы мәдениет және ақпарат министрлігі хабарлайды.

«Біз ҚР-дағы ЛГБТ-ны ашық және жасырын насихаттауға қарсымыз» петициясы ресми қаралуы үшін қажетті қол жинады» деп хабарлады министрлік.

Онда мүдделі тараптардың, мемлекеттік органдардың және қоғамдық бірлестіктердің өкілдері кіретін жұмыс тобы құрылатыны атап өтілді. Өтінішті қарау процесі заң талаптарына сәйкес өтеді, деп сендірді ведомство.

«ҚР АПК-нің 90-4-бабына сәйкес ҚР Мәдениет және ақпарат министрлігі өтінішті қарауға ҚР АПК-нің 90-5-бабына сәйкес қарау мерзімін белгіледі, өтініш тіркелген күннен бастап 40 жұмыс күніне дейін беріледі» делінген хабарламада.

Петицияға 50 мың қазақстандық дауыс берді.

«Көпшілігіміз үнсіз отырғанда, біздің санасы қатпаған балаларымыз бір жынысты қарымқатынасты (лгбт) қалыпты жағдай деп үйреніп келеді, тіпті тренд қылуда. Бұл үлкен қасірет, отбасылық және жеке бас трагедиясы десек те болады. Көрші елдерде ЛГБТ-ны насихаттағаны және таратқаны үшін жаза қарастырылған. Мысалы, Өзбекстанда гомосексуализм және ЛГБТ құқықтары тақырыбы бұқаралық ақпарат құралдарында және қоғамдық пікірталастарда толығымен жабық күйінде қалып отыр. Ресей Федерациясында 2022 жылы «біржынысты қарым қатынастарды насихаттауға», жынысты өзгертуге және педофилияға толық тыйым салу туралы Заң қабылданды. Сонымен қатар жасөспірімдер арасында жыныс өзгертуге итермелейтін ақпараттарға толықтай тыйым салынған» делінген петиция мәтінінде.