Қазақстанда лаңкестікті насихаттаған екі адам сотталды

Елімізде терроризмді насихаттағаны үшін Ұлттық қауіпсіздік комитеті ұстаған екі азаматқа қатысты сот процесі аяқталды. Екеуі де кінәлі деп танылып, ұзақ мерзімге бас бостандығынан айырылды, деп хабарлайды Orda.kz.

Тараз тұрғыны шетелде соғыс қимылдарына қатысуға шақыртулар таратып, лаңкестерге қосылуды жоспарлаған. Сот оны терроризмді насихаттады және діни араздықты қоздырды деп айыпты деп танып, 7 жылға бас бостандығынан айырды.

Бұрын қылмыстық құқық бұзушылық жасағаны үшін сотталған Алматы қаласының тұрғыны интернетте радикалды идеологияны насихаттаған. Сондай-ақ, оған есірткі тасымалдады деген айып тағылды. Сот оны жеті жыл бір айға бас бостандығынан айырды.

2024 жылы Қазақстанда террористік және экстремистік әрекеті үшін 84 адам сотталған.