Қазақстанда Қытаймен іскерлік белсенділік қарқын алуда

Алматыда Шаньси провинциясының тауар өндірушілері мен кәсіпкерлерінің көрмесі өтті, деп хабарлайды Orda.kz.

Бұл мамыр айында Орталық Азия елдері мен Қытай саммитіне Президент Қасым-Жомарт Тоқаев ұшып келген провинция. Ол Қытайдың орталығында орналасқан және ежелгі археологиялық орын - терракоталық жауынгерлер армиясы арылы танымал. Провинцияда жүк көліктерімен қатар ауыл шаруашылығы да дамыған. Фиорелла Лай өз шаруашылығы өнімдері – қытайлық қара саңырауқұлақтарын ұсынады.

«Мен Қазақстанға бірінші рет келіп отырмын, бірақ біз мұнда көптеген достар таптық. Біз ауылшаруашылық өнімдерін ұсынамыз. Біздің өнімдер денсаулыққа пайдалы. Бізде көптеген жаңа байланыстар пайда болды, бұл жемісті ынтымақтастыққа әкеледі деп сенемін», - дейді кәсіпкер әйел. 

«Атамекен» РПП халықаралық ынтымақтастық бөлімінің басшысы Айнұр Баспақова, сурет: Orda.kz

Ұйымдастырушылардың айтуынша, мұндай көрмелер қазір Қытайдың басқа аймақтарынан Қазақстан, Қырғызстан және Өзбекстанда да ашылған. «Атамекен» өңірлік палатасының халықаралық ынтымақтастық бөлімінің басшысы Айнұр Баспақованың Orda.kz тілшісіне айтуынша, Қытайда індет аяқталып, шекара ашылғаннан кейін сауда белсенді жүре бастады:

«Олар бізге визасыз келеді. Қараша айында Қазақстан азаматтары да Қытайға визасыз бара алады. Бұл негізінен пандемия кезіндегі халықаралық ынтымақтастықтағы үзіліске байланысты. Биылғы жылы байланыстар күшейді. Қытайдан, сонымен қатар басқа елдерден де көп адамдар келеді. Біз қазір Қытаймен «Бір белдеу – бір жол» бағдарламасы бойынша жұмысты жандандырып жатырмыз. Олар ынтымақтастық орнатуға, экспортқа өнім шығаруға тырысуда, біреулер инвестиция іздеуде. Қазір KazTrade біздің экспорттаушыларға жақсы қолдау көрсетуде. Сондай-ақ кәсіпкерлер де кез келген уақытта Атамекенге, яғни  бізге келіп, өз өнімдерін шетелде ілгерілету бойынша кеңес ала алады».

Қытай нарығында қазақстандық өнім бірегей. Баспақова оның экологиялық таза екенін, сонымен қатар біздің өнімдер дизайны жағынан да ерекше екенін баса айтты. Қазір Сианьнан Орталық Азияның бес еліне тікелей әуе қатынасы бар, ал Қазақстанға ұшақтар бірден екі қалаға – Алматы мен Астанаға ұшады.