Қазақстанда құны төрт миллиард шикізат заңсыз өндірілді

Алматы облысында табиғатты қорғау прокуратурасы жер қойнауын заңсыз пайдаланудың 15 фактісін анықтады.

Заңсыз кен өндіру қоршаған ортаға төрт миллиард теңге зиян келтірді

«Сонымен қатар пайдалы қазбаларды өндіруге лицензияны заңсыз беру, келісім-шарттық аумақтардан тыс шығу, су қорғау аймақтарында жұмыстар жүргізу, жер қойнауын пайдалану учаскелерін рекультивациялау бойынша міндеттемелерді орындамау фактілері анықталды. Сондай-ақ, рұқсатсыз және санитарлық-қорғау аймақтарын сақтамай жұмыс істеген жер қойнауын пайдаланушылар да болды» деп атап өтті прокуратура.

Заңсыз кеншілерге айыппұл салынып, келісім-шарттарын бұзуға бұйрық берілді. Уәкілетті орган қызметкерлері де жауапкершілікке тартылды.