Қазақстанда криптовалютамен айналысқандар сотталды

Қостанайлық тұрғын криптовалютамен айналысып табыс тапқаны үшін бас бостандығынан айырылды.

Бұл туралы Қостанай облыстық сотының баспасөз қызметі хабарлады

Бірнеше жыл ішінде ол цифрлық активтерді сатып 79 миллион теңгеден астам табыс тапты.  

«Оған ерекше ауқымда кіріс алу мақсатында электрондық цифрлық активтерді айналымға шығару платформасын құрды» деген айып тағылды.

Сайт арқылы сотталушы 79 000 000 теңгеден астам, яғни ерекше ірі көлемде кірісі бар Bitcoin, Litecoin, Ethereum кепілсіз цифрлық активтерін сатып алып, сатты.

Сотталушы өзі кінәсін мойындамады. Сот оған ең төменгі қауіпсіздік мекемесінде өтеуі тиіс мүлкін тәркілеумен 2 жыл 3 айға бас бостандығынан айыру жазасын тағайындады.