Қазақстанда ҚҚС көтерілмейді

Премьер-министр Олжас Бектенов президент Тоқаевтың тапсырмасымен Қазақстанда құн салғын көтеру жоспарын күнтізбеден алып тастады. 

«Мемлекет басшысының тапсырмасы бойынша қосылған құн салығының мөлшерлемесі көтерілмейді. Ұлттық экономика министрлігі мен қаржы министрлігі республикалық бюджеттің шығыс бөлігін де, кіріс бөлігін де сапалы жоспарлауды қамтамасыз етуі қажет. Бұл жерде бірінші кезекте цифрландыру арқылы салық және кедендік әкімшілендіруді жетілдіру бойынша тиімді шаралар қабылдау маңызды», - деді Бектенов үкімет отырысында.

Сондай-ақ ол қаржылық тәртіпті күшейтіп, өнімсіз шығындарды жойып, бюджет шығыстарының тиімділігін арттыру қажеттігін баса айтты.

Сондай-ақ ол инфляцияны 6,8 пайыз шегінде ұстауды тапсырды. Оның айтуынша, орталық және жергілікті атқарушы органдар инфляцияны бақылау және төмендету жөніндегі шаралар кешенін сапалы жүзеге асыру, оның ішінде барлық жобалардың іске асырылуын қамтамасыз ету бойынша барлық қажетті шешімдерді қабылдауы тиіс.

«Мемлекет басшысы кеңейтілген мәжілісте өткен жылы Қаржы министрлігі кәсіпкерлік субъектілеріне шамамен 600 млрд теңге көлемінде ҚҚС қайтармағанын атап өтті. Сонымен бірге, кезек күттірмейтін шығыстарды қаржыландыру үшін 2024 жылға арналған төлемдер бойынша бюджетке аванс берілді. Бұл дұрыс емес жоспарлаудың нәтижесі, 2023 жылға арналған кіріс жоспары асыра бағаланды, мұндай тәжірибе қайталанбауы керек», - деп атап өтті премьер.

2024 жылдың қаңтар айында республикалық бюджетке 521 млрд теңге түсті немесе жоспар 78,4 пайызға орындалды. Қаржы министрі Мәди Такиевтің айтуынша, кіріс жоспары 143 млрд теңгеге орындалмаған, оның 151 млрд теңгесі салық бойынша.