Қазақстанда кісі өлтіру фактілері 27 пайызға азайды

Қазақстанда биыл кісі өлтіру фактілері 27 пайызға азайған.

Бұл туралы Бас прокуратура хабарлайды.

«Тоғыз айдың ішінде кісі өлтіру 27,3%-ға (578-ден 420-ға) төмендеді, олардың ашылуы 94%-дан асты» делінген хабарламада.

Прокурорлардың айтуынша, себептер проблемалардың жиынтығы, оның ішінде алдын алудағы кемшіліктер. Сондай-ақ адам өлтіру фактілерін тергеу сапасы және олар үшін жазаның бұлтартпастығы маңызды мәселе.

«Жедел кеңестің шешімімен ішкі істер органдары басшылары мен облыс прокурорларына бұл жұмысты, оның ішінде «өткен жылдардағы кісі өлтіру» қылмыстарын ашу, қашып кеткен қылмыскерлерді, хабар-ошарсыз кеткен азаматтарды және т.б. іздестіру жұмыстарын жандандыру тапсырылды» делінген хабарламада.

Ішкі істер министрлігі полицияның жедел криминалистикалық бөлімшелерінің қылмыстарды ашудың жаңа мүмкіндіктерін, оның ішінде заттай дәлелдемелерді зерттеудің инновациялық әдістері мен жабдықтарын көрсетті.