Қазақстанда киік атуға тиым салынады

Экология және табиға ресурстар министрі Ерлан Нысанбаев 10 ақпаннан бастап Қазақстан киік атуға қатаң тиым салынатынын мәлімдеді, деп хабарлайды Orda.kz тілшісі.

Нысанбаевтың айтуынша киік ату отандық ғалымдармен және халықаралық сарапшылар кеңесі  талқылауларынан кейін тоқтатылған.

«Қыста қозғалыс қиын. Сондықтан 10 ақпаннан бастап біз ақбөкендердің санын реттеу процесін тоқтаттық. Былтырғы жылды ескере отырып, биыл мамыр айында егжей-тегжейлі есеп жүргізіледі», - деді экология министрлігі басшысы мәжіліс дәлізінде. 

Экология министрінің болжамы бойынша көктемде ақбөкендер саны 40%-ға артуы мүмкін. Былтырғы популяцияны есептей келе олардың саны 2,5-2,6 млн бас болады.

Сондай-ақ, Ерлан Нысанбаев бұл күнде қалыптасқан жағдайды, халықтың жай-күйі мен Орал популяциясының күрт өсімін ескере отырып, жайылым азайып бара жатқанын айтты. Қазірдің өзінде жайылымдарға жабайы аң сыймай жатыр.

«Сондықтан біз тек биобелсенділік негізінде келесі жылы ақбөкендер популяциясын реттеу бойынша осы жұмысты жалғастырамыз. Мұны ресми түрде мәлімдеймін», - деді министр.

Еске сала кетейік, былтыр қыркүйекте киіктер Қазақстанда санын реттеуге жататын жануарлар тізіміне енген болатын. Экология және табиғи ресурстар министрлігі тиісті бұйрыққа былтыр қыркүйекте қол қойған еді.

Экология және табиғи ресурстар министрлігінің бұйрығына сәйкес, киіктерден басқа, саны реттелетін жануарлар тізіміне  қасқыр, шибөрі, қарға,  жыланбас балық енді. Тізімдегі жануарлардың саны халықтың денсаулығын сақтау, ауыл шаруашылығы және басқа үй жануарларын аурудан қорғау, қоршаған ортаға зиян келтірмеу мақсатында реттелмек.

Бұйрық 2023 жылдың 6 қазанынан бастап қолданысқа енген.

Ал жақында экология және табиғатты қорғау министрлігі 2024 жылы киікті атуға әуесқойларға да рұқсат беру туралы мәселені қарап жатқанын мәлімдеген болатын.