Қазақстанда казино ойынын бақылауда ұстайтын комитет пайда болады

Қазақстанда құмар ойынды табыс көзіне айналдырған кәсіпті бақылауға алатын комитет құрылады.

Бұл туралы туризм және спорт министрлігі хабарлады.

Үкімет туризм индустриясы комитетін қайта құру туралы шешім қабылдады. Оның құрамына құмар ойындар мен лотереяларды реттеу жөніндегі комитет қосылады.

«Құмар ойындар мен лотереялар саласы – өзіндік құқықтық нормалары, проблемалары мен ерекшеліктері бар экономиканың жекелеген салалары, сондықтан бұл бағыттағы нәтижелі жұмыс жеке реттеушіні талап етеді. Бұл тәсілдің дұрыстығын халықаралық тәжірибе дәлелдеп отыр» деп хабарлады туризм және спорт министрлігінің баспасөз қызметі.